Так называецца мастацкая выстава Барыса і Аксаны Аракчэевых, якая нядаўна адкрылася ў Дзяржаўным літаратурным музеі Янкі Купалы. Падчас адкрыцця выставы адбылася прэзентацыя кнігі “Барыс Аракчэеў. Бэз малюецца на шчасце” (серыя “Жыццё знакамітых людзей Беларусі”), што ўбачыла свет у выдавецтве “Мастацкая літаратура”. Укладальнікамі зборніка з’яўляюцца пісьменніца Алена Масла і мастачка Аксана Аракчэева, дачка Барыса Уладзіміравіча.
На вышэйзгаданай выставе кнігу пра славутага беларускага мастака прадставіў яе рэдактар Дзмітрый Пятровіч. Ён расказаў пра гэтае выданне, а таксама пра тыя кнігі серыі “ЖЗЛБ”, якія нядаўна выходзілі, і пра тыя, што неўзабаве ўбачаць свет у выдавецтве “Мастацкая літаратура”.
