Навіны

5 лютага ў Мінску ў бібліятэцы імя Багушэвіча ў рамках ХХVІІ Мінскай міжнароднай кніжнай выставы-кірмашу адбылася прэзентацыя кніжнай серыі “100 вершаў”, якая была заснавана ў выдавецтве “Мастацкая літаратура” ў 2017 годзе. У гэтай серыі ўжо выйшла дзесяць кніжак, сярод якіх томікі Пімена Панчанкі, Аркадзя Куляшова, Ніла Гілевіча, Генадзя Бураўкіна, Міхася Стральцова,  Яўгеніі Янішчыц і інш. Перад бібліятэкарамі Фрунзенскага раёна Мінска выступіў галоўны рэдактар выдавецтва Віктар Шніп, які расказаў прысутным пра серыю. Галоўны рэдактар часопіса “Маладосць” Святлана Воцінава, якая прыняла ўдзел у прэзентацыі, расказала пра працу Пімена Панчанку, Генадзя Бураўкіна і Яўгенію Янішчыц ў часопісе “Маладосць”. Артыст Алег Вінярскі пачытаў творы з кніг серыі “100 вершаў".