24 лютага ў рамках тыдня беларускай мовы ў “Дзіцячым садзе-сярэдняй школе “Іхвіс” Свята-Елісавецінскага жаночага манастыра выдавецтвам “Мастацкая літаратура” арганізава сустрэча з пісьменніцай, лаўрэатам Дзяржаўнай прэміі Беларусі Раісай Баравіковай. Навучэнцы паслухалі гісторыі стварэння праўдзівых, а таксама фантастычных аповесцей аўтара, якія нясуць дабрыню і міласэрнасць у адносінах да свету. Цікавымі здаліся слухачам расповяды пісьменніцы пра асабістыя каштоўнасці продкаў. Падарункам для чытачоў школьнай бібліятэкі стаў зборнік “Лучынка”, на якім пакінулі свае аўтографы пісьменніца Раіса Баравікова і аўтар-укладальнік Зося Кустава. Незабыўныя ўражанні панеслі з сабою не толькі слухачы, але і госці, для якіх была арганізавана экскурсія па манастыры дырэктарам школы манахіняй Вольгай.
