27 лютага ў 5-ай гімназіі г. Мінска ў рамках тыдня беларускай мовы адбыліся арганізаваныя “Мастацкай літаратурай” сустрэчы з вядомымі беларускімі пісьменнікамі, якія правялі ўрокі роднага слова. Дзіцячая казачніца Наталля Бучынская расказала пачаткоўцам пра герояў сваіх твораў: вадзянікоў, Лесуна, бабрыную сямейку і Наяду марскую (кніга “Атракцыёны для вадзянікаў”). Разам з гімназістамі шостых класаў літаратар, публіцыст, перакладчык Алесь Гібок-Гібкоўскі падарожнічаў у часе па сваіх казках з кнігі “Дом каля возера”, дзе пераможная сіла чалавечых пачуццяў заўсёды спрыяла дабру. Для старшакласнікаў паэт, празаік, журналіст Навум Гальпяровіч правёў літаратурную дыскусію і распавёў пра сваю творчасць, прасякнутую сыноўняй любоўю да дарагіх сэрцу мясцін, да радзімы і паважлівым стаўленнем да роднага слова. Падчас імпрэзы прайшла выстава кніжных навінак выдавецтва “Мастацкая літаратура” і аўтограф- сесія Н. Гальпяровіча, А. Гібок-Гібкоўскага і Н. Бучынскай.
