14 траўня ў «Доме кнігі «Светач» (г. Мінск, пр-т Пераможцаў, 11) адбылася чацвёртая імпрэза з цыкла «Сустрэчы з Караткевічам». У мерапрыемстве прынялі ўдзел дырэктар выдавецтва «Мастацкая літаратура» Алесь Бадак і галоўны рэдактар часопіса «Нёман» паэтка Юлія Алейчанка. Як сённяшняя творчая моладзь ацэньвае літаратурную спадчыну У. Караткевіча? Ці ахвотна чытаюць маладыя аўтары творы класіка? Як збіраецца адзначаць юбілей Караткевіча часопіс "Нёман"? Пра ўсё гэта ішла гаворка падчас імпрэзы.
Наступным госцем літаратурных сустрэч у "Светачы" абяцае быць пісьменнік Анатоль Бутэвіч.
Фота belkniga.by
