Сёлета ў выдавецтве “Мастацкая літаратура” выходзіць незвычайная серыя знакамітых казак свету “12 месяцаў”. У кожнай з дванаццаці кніжак творы падабраны такім чынам, каб у выніку прыемнае чытанне (альбо праслухоўванне, калі мець на ўвазе тых дзяцей, якія яшчэ не навучыліся чытаць) хлапчукі і дзяўчынкі маглі расцягнуць роўна на колькасць дзён аднаго з месяцаў. У мастацкім афармленні серыі выкарыстаны ілюстрацыі як лепшых беларускіх мастакоў-класікаў з фондаў Нацыянальнага мастацкага музея Рэспублікі Беларусь, так і сучасных прафесійных мастакоў нашай краіны.
Заключнай кнігай серыі павінна стаць выданне ў наступным годзе своеасаблівага выбранага, у якое ўвойдуць дванаццаць найбольш папулярных казак – як беларускіх, так і замежных. Аднак галоўнай яго асаблівасцю стане тое, што ў афармленні кнігі будуць выкарыстаны ілюстрацыі мастакоў-школьнікаў.
У сувязі з гэтым “Мастацкая літаратура” аб’яўляе конкурс для мастакоў-школьнікаў “Ствараем кнігу разам”.
Для ілюстрацый прапануюцца наступныя творы:
- Браты Грым. Снягурачка.
- С. Т. Аксаков. Аленький цветочек
- Шарль Перо. Чырвоная Шапачка
- А. С. Пушкин. Сказка о рыбаке и рыбке
- Якуб Колас. Рак-вусач.
- Л. Н. Толстой. Три медведя
- Х. К. Андэрсен. Брыдкае качаня
- В. М. Гаршин. Лягушка-путешественница
- Васіль Вітка. Вавёрчына гора
- Д. Н. Мамин-Сибиряк. Серая Шейка
- Уладзімір Караткевіч. Вясна ўвосень
- С. Я. Маршак. 12 месяцев
Лепшыя ілюстрацыі будуць выкарыстаны ў кнізе, а таксама змешчаны на сайце “Мастацкай літаратуры”.
Мастацкія працы прымаюцца па пошце да 15 лістапада 2020 года па адрасе: 220004, г. Мінск, пр-т, Пераможцаў, 11, “Мастацкая літаратура”. Можна дасылаць і на электронны адрас выдавецтва: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
Тэлефон для даведак: 8-029-704-51-29
