29 красавіка ў ДУ “Карэліцкі раённы Цэнтр культуры і народнай творчасці” прайшоў фестываль “PRОдвижение книги. Библиотечные ступени”, прысвечаны Году народнага адзінства і 80-годдзю пачатку Вялікай Айчыннай вайны “У кніжнай памяці імгненні вайны…”. У ім удзельнічалі ўсе бібліятэкі Карэліцкага раёна, а таксама выдавецтва “Мастацкая літаратура” і Выдавецкі дом “Звязда”.
У рамках фестывалю прайшоў конкурс сярод бібліятэк раёна на лепшую арганізацыю выставачнай работы, прысвечанай 80-годдзю пачатку Вялікай Айчыннай вайны “У кніжнай памяці імгненні вайны…”. Пераможцы і ўдзельнікі конкурсу атрымалі ганаровыя граматы і каштоўныя кніжныя падарункі.
Прадстаўнікі выдавецтва “Мастацкая літаратура” і Выдавецкага дома “Звязда” расказалі прысутным пра кнігі, якія выйшлі ў іх апошнім часам. Галоўны рэдактар “Мастацкай літаратуры” Віктар Шніп прэзентаваў выданні выдавецтва і творы, якія прысвечаны Году народнага адзінства і 80-годдзю пачатка Вялікай Айчынннай вайны. Дарэчы, Карэліцкі фестываль “PRОдвижение книги. Библиотечные ступени” адбыўся другі раз і яго арганізатары пад час закрыцця мерапрыемства прапанавалі ўсім прысутным сустрэцца зноў у Карэлічах праз год.
