Навіны

Не першы год выдавецтва "Мастацкая літаратура" прымае актыўны ўдзел у традыцыйным дабрачынным марафоне "Нашы дзеці", кожны раз знаходзячы новыя адрасы тых, хто па-ранейшаму ўпэўнены, што кніга – лепшы падарунак. Асаблівую ўвагу выдавецтва надае дзіцячым дамам, а таксама школам, паколькі менавіта кнігі не толькі дазваляюць з цікавасцю праводзіць вольны час, але і выхоўваюць у юных душах лепшыя чалавечыя якасці, дапамагаюць юным чытачам расці сапраўднымі патрыётамі сваёй краіны. Пра гэта 17 снежня распавёў гледачам тэлеканала "Беларусь-4. Магілёў" дырэктар "Мастацкай літаратуры” Аляксандр Бадак падчас тэлемарафона "Сагрэем дзіцячыя сэрцы", арганізаванага Магілёўскім абласным аддзяленнем Беларускага дзіцячага фонду. У гэты ж дзень фонду былі перададзены каля паўсотні кніг выдавецтва, сярод якіх як беларуская і сусветная класіка, так і творы сучасных айчынных пісьменнікаў, а таксама пазнавальная літаратура, адрасаваная дзецям розных узростаў.