Напачатку новага 2022 года выдавецтва «Мастацкая літаратура» атрымала ліст, падпісаны дырэктарам Магілёўскай дзяржаўнай гімназіі-каледжа мастацтваў імя Яўгенія Глебава А. Я. Курсаковым:
«Паважаны Алесь Мікалаевіч!
Установа адукацыі «Магілёўская дзяржаўная гімназія-каледж мастацтваў імя Яўгенія Глебава» ад педагагічнага калектыву і асабліва ад навучэнцаў выказвае Вам найглыбокую ўдзячнасць і падзяку за аказаную спонсарскую дапамогу. Падораныя кнігі аказаліся яркім святочным падарункам для нашых таленавітых дзяцей і значна папоўнілі фонд бібліятэкі гімназіі-каледжа.
Жадаем Вам працвітання, ажыццяўлення ўсіх планаў і высокіх прафесійных дасягненняў!»
Застаецца дадаць, што бібліятэчку кніг «Мастацкая літаратура» перадала падчас удзелу ў рэспубліканскім дабрачынным марафоне «Нашы дзеці».
Прыемнага чытання!
