24 лютага ў Мінскім дзяржаўным лінгвістычным універсітэце адбылася сустрэча студэнтаў і выкладчыкаў універсітэта з намеснікам дырэктара выдавецтва «Мастацкая літаратура»- галоўным рэдактарам часопіса «Полымя» Віктарам Шніпам.
Арганізавала мерапрыемства кафедра беларускай мовы і літаратуры МДЛУ ў рамках святкавання Дня роднай мовы.
На сустрэчы ў анлайн-рэжыме прысутнічалі таксама студэнты Пекінаскага ўніверсітэта замежных моў, якія ў гэтым навучальным годзе вывучаюць беларускую мову ў МДЛУ.
Віктар Шніп расказаў пра гісторыю выдавецтва “Мастацкая літаратура” і часопіса “Полымя”, якія сёлета адзначаюць свае юбіеі. Падзяліўся выдавецкімі планамі на 2022 год і планамі часопісаў “Полымя”, “Маладосць” і “Нёман”, а таксама пачытаў свае творы і адказаў на пытанні, як беларускіх студэнтаў, так і студэнтаў Пекінскага ўніверсітэта замежных моў.
