28 ліпеня ў Мінкай гарадской бібліятэцы № 14 імя Францішка Багушэвіча адбылося адкрыццё выставы, прысвечанай 105-годдзю з дня нараджэння народнага паэта Беларусі Пімена Панчанкі. Выстава была арганізавана Дзяржаўным музеем гісторыі беларускай літаратуры з падтрымкай бібліятэкі і выдавецтва «Мастацкая літаратура», у якім у свой час выйшлі амаль усе кнігі, што напісаў Пімена Панчанкі. Сярод іх: «Снежань» (1972), «Крык сойкі» (1976), «Вячэрні цягнік» (1977), «Млечны Шлях» (1980), «Маўклівая малітва» (1981), «Дзе начуе жаўранак» (1983), «Сіні ранак» (1984), «Лясныя воблакі» (1985), «І вера, і вернасць, і вечнасць» (1986), «Горкі жолуд» (1988), «Неспакой» (1988), «Высокі бераг» (1993), «Зямля ў мяне адна» (1996) і інш.
Выступаючы на адкрыцці выставы, намеснік дырэктара выдавецтва “Мастацкая літаратура”- галоўны рэдактар часопіса “Полымя” Віктар Шніп распавёў прысутным пра жыццёвы і творчы шлях Пімена Панчанкі, а таксама пра выдавецкую серыю “100 вершаў”, у якой некалькі гадоў таму пабачыла свет кніга народнага паэта Беларусі “Сэрца маё”. Сваімі ўражаннямі пра творчасць Пімена Панчанкі падзяліліся паэты Навум Гальпяровіч і Кацярына Мяшкова.
