16 лістапада ў мінскай бібліятэцы імя Ф. Багушэвіча адбылася сустрэча супрацоўнікаў часопісаў “Полымя” і “Маладосць” з навучэнцамі лінгвагуманітарнага каледжа, які з’яўляецца філіялам лінгвістычнага ўніверсітэта. Галоўны рэдактар часопіса “Полымя” Віктар Шніп і рэдактар аддзела літаратуразнаўства і крытыкі Наталля Казапалянская распавялі пра стогадовую гісторыю часопіса і планы на будучы год.
Галоўны рэдактар часопіса “Маладосць” Вольга Рацэвіч і рэдактар аддзела паэзіі Юлія Алейчанка пазнаёмілі навучэнцаў каледжа з рубрыкамі часопіса і заклікалі моладзь не толькі быць чытачамі “Маладосці”, але і яго аўтарамі.
