23 лістапада ў Нацыянальнай бібліятэцы Беларусі адкрылася выстава “Іскрыся іскрамі, палай!”, прысвечаная 100-годдзю з часу заснавання часопіса “Полымя”.
Выстава адлюстроўвае змест і настрой часопіса з самага першага нумара за 1922 года да свежых нумароў за 2022 год. Экспазіцыя пабудавана ў храналагічным парадку па дзесяцігоддзях. Побач з часопісамі знаходзяцца выданні твораў знакамітых аўтараў, якія ўпершыню былі апублікаваны ў часопісе “Полымя”. Прадстаўлены таксама асобнік часопіса “Полымя рэвалюцыі”. Пад такой назвай часопіс выходзіў у 1932–1941 гадах.
Выстава працуе з 23 лістапада па 31 снежня 2022 года ў кальцавой галерэі 2-га паверха Нацыянальнай бібліятэкі Беларусі.
Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
