Дзень беларускага пісьменства сёлета пройдзе ў Гарадку Віцебскай вобласці, на радзіме Канстанціна Вераніцына. Апроч самой паэмы (яна друкуецца як у арыгінале, так і ў перакладзе на рускую мову Міхаіла Лазінскага), у зборніку змешчаны раздзелы з кнігі Генадзя Кісялёва пра аўтарства паэмы, пра цяжкія пошукі гістарычнай ісціны, пра шматгадовую вернасць даследчыка абранай тэме, пра культурныя сувязі народаў-суседзяў. Апошні раздзел выдання прысвечаны Гарадоцкаму краязнаўчаму музею.
