20 лістапада лаўрэату Дзяржаўнай прэміі Беларусі паэтэсе Яўгеніі Янішчыц (20.11.1948—25.11.1988) было б 73 гады.
У часопісе “Полымя”№11, які неўзабаве з’явіцца ў паштовых скрынях падпісчыкаў і на паліцах “Белдруку”, пад рубрыкай “Эпісталярый” друкуюцца развагі Тамары Аўсяннікавай і лісты Яўгеніі Янішчыц да Сяргея Панізніка “А яшчэ мы ўдваіх напішам адну кнігу…”.
Ліставанне ахоплівае перыяд з 1965 па 1975 гады. Яўгенія Янішчыц напісала Сяргею Панізніку 72 лісты. Лістоў самога Сяргея Панізніка захавалася толькі 5, а якімі яны былі, можна здагадвацца, чытаючы лісты Яўгеніі Янішчыц. Такая ашчаднасць з боку адрасата можа гаварыць аб двух аспектах. Першы: Сяргей Панізнік — даследчык, ён добра ведае цану падобных артэфактаў. Другі: гэтая перапіска і адносіны з Яўгеніяй Янішчыц яму былі важнымі…
