Лістападаўскі нумар “Маладосці” дэманструе разнастайнасць жанраў і тэм. Гістарычная проза прадстаўлена аповесцю Маргарыты Латышкевіч “Цень крыжа на каляінах” (мастацкая біяграфія Яна Баршчэўскага). Нон-фікш – урыўкамі з дзённікавага рамана Віктара Шніпа. Вопыт псіхалагічнага даследавання – навэла Георгія Марчука “Кузьміч”. Разнастайная, цікавая і творчасць дэбютантаў. Свет пачуццяў і жарсцяў, фантасмагорыі і цудаў – у вершаванай нізцы Аксаны Гаджыў. Фантастычнае, глыбока псіхалагічнае эсэ Яны Цэглы “Тварожнае возера” адсылае чытачоў да вечнага багдановічаўскага пытання “Нашто ж на зямлі сваркі і звадкі, боль і горыч, калі ўсе мы разам ляцім да зор?” (Багдановічу-юбіляру прысвечаны і асобны тэматычны блок часопіса з архіўнымі матэрыяламі, рэцэнзіямі, анкетай). Экзістэнцыйныя пытанні кошту і сэнсу чалавечага жыцця хвалююць маладога празаіка Івана Мелава і паэтэс Алесю Цэван і Кацярыну Мізерыю. Класічна вывераныя, строгія радкі Навума Гальпяровіча таксама заклікаюць да глыбокага восеньскага роздуму над пражытым і будучым. Увага да дэталяў, нюансаў характару чалавека, якога ты ведаеш толькі анлайн – у арыгінальным апавяданні Наталлі Ніканчук “Гульназ”.

 Загадка прыцягальнасці творчасці маладога графіка Усевалада Швайбы раскрываецца ў багата ілюстраваным інтэрв’ю з ім у рубрыцы “Мастацтва”. Успаміны Аляксандра Радзькова пра ўласны выкладчыцкі вопыт пераносяць у абаяльны свет маладосці, узаемадапамогі, гумару і прыгод. 

Час работы выдавецтва
«Мастацкая літаратура»

Панядзелак - чацвер: 8.30 - 17.30
Пятніца: 8.30 - 16.30
Абедзены перапынак: 13.00 - 13.48
Выхадныя дні: субота, нядзеля

Дырэктар выдавецтва — Бадак Алесь Мікалаевіч
штотыднёва па аўторках
з 14.00 да 17.00 гадзін
і чацвяргах з 10.00 да 13.00 гадзін
Намеснік дырэктара— Казак Алена Іванаўна
штотыднёва па аўторках
з 10.00 да 13.00 гадзін
і чацвяргах з 14.00 да 17.00 гадзін
Галоўны рэдактар —Шніп Віктар Анатольевіч
штотыднёва па аўторках
з 10.00 да 13.00 гадзін
і чацвяргах з 14.00 да 17.00 гадзін

Кнігі "Мастацкай літаратуры" без гандлёвай нацэнкі можна набыць у самім выдавецтве!
Адрас: Мінск, пр. Пераможцаў, 11, каб. 924
Тэлефон аддзела рэалізацыі: +375 17 203-58-09
Электронны адрас: marketing@mastlit.by

Дата ўнясення ў Гандлёвы рэестр Рэспублікі Беларусь 31.10.2018

УНП 100055406