Лютаўскі нумар “Маладосці” адкрываюць містычныя гісторыі Алёны Беланожкі – пра тое, як скарбы прыходзяць да людзей у рукі. Неверагодна захапляльныя, цікавыя аповеды з рэальнай канвой, у якім ёсць месца міфалогіі і паралельным сусветам, каханню і гумару.
Упершыню ў “Маладосці” з прозай выступяць Кацярына Назарава, Цімур Вычужанін і Мікола Сарока.
Сярод паэтаў нумара – Іна Фралова, Іван Капыловіч, Кацярына Самусенка, Аляксандра Жалязнова.
Эксклюзіў лютаўскага нумара – інтэрв’ю з выдатным празаікам Анатолем Казловым! У сеціве такога не знойдзеш. Як прызнаецца сам Анатоль Сяргеевіч: «Інтэрв’ю даваць не люблю, гэта не маё. Тое, што пісьменнік хоча сказаць,— ён кажа ў сваіх творах. Ды і сам сябе, бывае, баішся…» З задавальненнем дзелімся з чытачамі гэтай шчырай і абсалютна няпафаснай гутаркай.
