У снежні часопісу “Полымя” спаўняецца 100 гадоў. З гэтай нагоды Салігорская раённая цэнтральная бібліятэка запрасіла да сябе ў госці намесніка дырэктара выдавецтва “Мастацкая літаратура”-галоўнага рэдактара часопіса “Полымя” Віктара Шніпа. 13 кастрычніка на сустрэчу з ім і аўтарам часопіса паэтам Хведарам Гурыновічам прыйшлі бібліятэкары горада Салігорска і раёна. Віктар Шніп з дапамогай відаапрэзентацыі распавёў прысутным пра гісторыю “Полымя”, пра яго сённяшні дзень і планы на будучыню.
Працягам прэзентацыі часопіса “Полымя” стала сустрэча Віктара Шніпа і Хведара Гурыновіча з навучэнцамі Салігорскай гімназіі №1. На ёй прысутнічалі старшакласнікі. Сустрэча прайшла ў выглядзе ўрока беларускай літаратуры.
