20 снежня ў Дзяржаўным музеі гісторыі беларускай літаратуры адбылося адкрыццё літаратурна-дакументальнай экспазіцыі “Насустрач жыццю, насустрач будучыні”, прымеркаванай да 100-годдзя з дня нараджэння пісьменніцы Алены Васілевіч, якая з 1972 года па 1980 працавала загадчыцай рэдакцыі літаратуры для юнацтва выдавецтва «Мастацкая літаратура». У рамках іпрэзы адбылася прэзентацыя кнігі Алены Васілевіч “Калінавая рукавічка”, якая выйшла да юбілею пісьменніцы ў “Мастацкай літаратуры” і папоўніла серыю “Жывая класіка дзецям”. Прэзентацыю правёў намеснік дырэктара выдавецтва “Мастацкая літаратура”-галоўны рэдактар часопіса “Полымя” Віктар Шніп.
