Коратка

У кнігарні “Кніжны клуб пісьменнікаў”, што знаходзіцца ў Мінску па адрасе Кісялёва, 4, адбылася сустрэча вучняў другога класа СШ №50 з намеснікам дырэктара выдавецтва “Мастацкая літаратура”-галоўным рэдактарам часопіса “Полымя” Віктарам Шніпам. У сваім выступленні пісьменнік распавёў школьнікам пра кніжныя серыі “Жывая класіка дзецям” і “Я люблю чытаць”, што выдаюцца ў “Мастацкай літаратуры”, а таксама пазнаёміў прысутных са сваёй творчасцю і творчасцю Янкі Маўра, які шмат пісаў для дзяцей і якому ў гэтым годзе спаўняецца 140 гадоў з дня нараджэння.