У СВЯТЛЕ “ЛІХТАРА”
29 сакавіка на філалагічным факультэце БДУ адбылося падвядзенне вынікаў літаратурнага конкурса “Ліхтар” у намінацыях “Паэзія” і “Проза”, у якім прынялі ўдзел студэнты, што спрабуюць свае сілы ў творчасці. У мерапрыемстве прыняў удзел член журы конкурса намеснік дырэктара выдавецтва “Мастацкая літаратура”-галоўны рэдактар часопіса “Полымя” Віктар Шніп. У сваім выступленні ён расказаў пераможцам конкурса пра часопісы “Полымя”, “Маладосць” і “Нёман” і заклікаў маладых паэтаў і празаікаў дасылаць свае творы ў гэтыя выданні, а таксама выпісваць і чытаць іх.
