У Алмаце збіраюцца выдаць беларуска-казахскі літаратурны альманах

Гэтая ідэя нарадзілася падчас правядзення Міжнароднага сімпозіўма літаратараў “Пісьменнік і час”, які праходзіў у Мінску ў лютым 2019 года. Прадстаўнічая казахстанская дэлегацыя звярнула ўвагу на тое, што ў Беларусі ў апошні час выйшаў шэраг кніг, якія прапагандуюць казахскую літаратуру на беларускай мове. Шмат публікацый казахскіх аўтараў з’яўляецца ў беларускай літаратурна-мастацкай перыёдыцы.

– Мы вырашылі выдаць у Алмаце альманах “Казахстан – Беларусь”, –  расказвае вядомы выдавец і пісьменнік Бахытжан Канап’янаў. – Мяркуем, што кніга будзе на трох мовах: казахскай, беларускай, рускай. Ужо вызначыліся і з укладальнікамі. З казахскага боку імі будуць паэтэса Любоў Шашкова і Святлана Ананьева.

Да работы над складаннем альманаха ўжо далучыліся беларускія калегі – Алесь Бадак, Віктар Шніп, Аляксей Чарота. “Канечне ж, –  зазначае Бахытжан Канап’янаў, –  мы перш-наперш пад адну вокладку збяром сучасную літаратуру. У Казахстане добра ведаюць Васіля Быкава, Івана Шамякіна, Рыгора Барадуліна, а вось сучасныя пісьменнікі амаль зусім невядомыя. І гэта трэба выпраўляць. Я ўпэўнены, што і сёння ў Беларусі развіваецца багатая мастацкая літаратура”.

Мяркуецца, што альманах выйдзе накладам 5000 экзэмпляраў. Істотная частка тыражу патрапіць і ў Беларусь.

Сяргей Шычко

http://sozvuchie.by

Час работы выдавецтва
«Мастацкая літаратура»

Панядзелак - чацвер: 8.30 - 17.30
Пятніца: 8.30 - 16.30
Абедзены перапынак: 13.00 - 13.48
Выхадныя дні: субота, нядзеля

Дырэктар выдавецтва — Бадак Алесь Мікалаевіч
штотыднёва па аўторках
з 14.00 да 17.00 гадзін
і чацвяргах з 10.00 да 13.00 гадзін
Намеснік дырэктара— Казак Алена Іванаўна
штотыднёва па аўторках
з 10.00 да 13.00 гадзін
і чацвяргах з 14.00 да 17.00 гадзін
Галоўны рэдактар —Шніп Віктар Анатольевіч
штотыднёва па аўторках
з 10.00 да 13.00 гадзін
і чацвяргах з 14.00 да 17.00 гадзін

Кнігі "Мастацкай літаратуры" без гандлёвай нацэнкі можна набыць у самім выдавецтве!
Адрас: Мінск, пр. Пераможцаў, 11, каб. 924
Тэлефон аддзела рэалізацыі: +375 17 203-58-09
Электронны адрас: marketing@mastlit.by

Дата ўнясення ў Гандлёвы рэестр Рэспублікі Беларусь 31.10.2018

УНП 100055406