Прэзентацыя “Ідэальнага чытача”

badak akademkhiga

Гадоў сорак таму паэт Леанід Галубовіч напісаў:

Шукаю чытача —

Хаўрусніка душы…

Не ведаю, ці знайшоў спадар Леанід “хаўрусніка душы”, а вось Алесь Бадак ужо  мае “Ідэальнага чытача”. І той, хто набудзе яго кнігу “Ідэальны чытач”, даведаецца, хто ж можа быць такім чытачом.

У кнігу ўвайшлі аповесці і апавяданні, пераважная большасць з якіх у розныя гады друкавалася на старонках не толькі айчынных, але і замежных перыядычных выданняў. Творы Алеся Бадака прыцягваюць да сябе ўвагу як цікавымі сюжэтамі, так і своеасаблівым аўтарскім стылем. Яны адрасаваны не толькі моладзі, як аповесць “Адзінокі васьмікласнік хоча пазнаёміцца”, але і сталым чытачам, якіх асабліва зацікавіць такі твор, як «Інструкцыя па спакушэнні замужніх жанчын».

Апошні раздзел кнігі складаюць «Запіскі на хаду» — эсэ, прысвечаныя актуальным пытанням літаратурнага жыцця, а таксама той пары, калі аўтар пачынаў свой шлях у літаратуру.

26 мая ў кнігарні «Акадэмкніга» ў Мінску адбылася прэзентацыя кнігі Алеся Бадака «Ідэальны чытач», якая нядаўна пабачыла свет у Выдавецкім доме «Звязда».

На прэзентацыі выступіў дырэктар выдавецкага дома “Звязда”, пісьменнік Алесь Карлюкевіч, рэдактар кнігі Наталля Шчарбакова, дырэктар “Акадэмкнігі” Вольга Глухоўская, паэт Віктар Шніп і іншыя. Алесь Бадак расказаў пра працу над творамі, якія ўвайшлі ў кнігу, і адказаў на пытанні прысутных.

Усе, хто прыйшоў у кнігарню, маглі набыць навінку і атрымаць аўтографы.  

Між іншым, менавіта ў «Акадэмкнізе» шырока разгорнуты гандаль кнігамі з аўтографамі, у тым ліку, тымі, што пабачылі свет у выдапвецтве "Мастацкая літаратура". Пасля прэзентацыі для будучых пакупнікоў Алесь Бадак і Віктар Шніп пакінулі на сваіх кнігах аўтографы, якія можна набыць у любы дзень, наведаўшы кнігарню.

Час работы выдавецтва
«Мастацкая літаратура»

Панядзелак - чацвер: 8.30 - 17.30
Пятніца: 8.30 - 16.30
Абедзены перапынак: 13.00 - 13.48
Выхадныя дні: субота, нядзеля

Дырэктар выдавецтва — Бадак Алесь Мікалаевіч
штотыднёва па аўторках
з 14.00 да 17.00 гадзін
і чацвяргах з 10.00 да 13.00 гадзін
Намеснік дырэктара— Казак Алена Іванаўна
штотыднёва па аўторках
з 10.00 да 13.00 гадзін
і чацвяргах з 14.00 да 17.00 гадзін
Галоўны рэдактар —Шніп Віктар Анатольевіч
штотыднёва па аўторках
з 10.00 да 13.00 гадзін
і чацвяргах з 14.00 да 17.00 гадзін

Кнігі "Мастацкай літаратуры" без гандлёвай нацэнкі можна набыць у самім выдавецтве!
Адрас: Мінск, пр. Пераможцаў, 11, каб. 924
Тэлефон аддзела рэалізацыі: +375 17 203-58-09
Электронны адрас: marketing@mastlit.by

Дата ўнясення ў Гандлёвы рэестр Рэспублікі Беларусь 31.10.2018

УНП 100055406