Услед за стралой.
Алег Аблажэй. Красамоўнае сэрца. — Мн.: Мастацкая літаратура, 2015.

Кнігу Алега Аблажэя, у якой распавядаецца гісторыя кахання мелага рыцара Артакса і чароўнай прынцэсы Камілены, можна назваць адным з найпрыгажэйшых выданняў, што пабачылі свет летась. І сапраўды, чытаючы казку, міжволі «застываеш», супыняешся, разглядаючы ілюстрацыі (Алег Аблажэй тут выступіў і ў ролі мастака). Вытанчаныя сукенкі дам, бліскучыя металёвыя даспехі рыцараў, букеты кветак неверагоднай прыгажосці, вежа, што ўздымаецца амаль да зор…
Але і сам расповед, выкананы па класічных казачных канонах, таксама атрымаўся адметны і яркі. Магчыма, прычына ў тым, што айчынныя пісьменнікі, чые творы адрасаваныя дзецям, ужо даўно не звярталіся да жанру класічнай казкі. Такой, якую маглі б прачытаць (і зразумець яе сэнс!) і беларускія, і бразільскія, і нават паўднёваафрыканскія дзеткі, паводле якой студыя Уолта Дыснэя магла б зняць прыгожы, захапляльны і яскравы мультфільм. Такі, дзе дзейнічаюць прынцэсы і прынцы, каралі і каралевы, у небе лётаюць арлы, а ў рацэ плаваюць вялікія рыбіны, дзе страла, пушчаная прынцам у вышыню, можа прадказаць яго лёс.
Пра што можна паразважаць, прычытаўшы «Красамоўнае сэрца»? Ды пра што заўгодна!
Чаму нельга быць такімі жорсткімі, як бацькі і браты Артакса, чаму важна праяўляць міласэрнасць і спагаду… Чаму шкодна засяроджвацца толькі на працы ці, наадварот, адно захапляцца мастацтвам і забывацца на «хлеб штодзённы»… Як знайсці гармонію з сабой і ўнутраным светам і ў той жа час не пакрыўдзіць блізкіх… Дарэчы, нельга сцвярджаць, што адказ на гэтыя пытанні павінен быць адназначным. Кожная з версій, нават самая неверагодная і вар’яцкая, мае права на існаванне: героі шчаслівыя і гарманічныя ў сваёй абмежаванасці. Чаму яны павінны нешта змяняць у сваім стаўленні да жыцця?

Марына Весялуха
“Літаратура і маcтацтва”, № 15 (4866) 15 красавіка 2016 г.

Час работы выдавецтва
«Мастацкая літаратура»

Панядзелак - чацвер: 8.30 - 17.30
Пятніца: 8.30 - 16.30
Абедзены перапынак: 13.00 - 13.48
Выхадныя дні: субота, нядзеля

Дырэктар выдавецтва — Бадак Алесь Мікалаевіч
штотыднёва па аўторках
з 14.00 да 17.00 гадзін
і чацвяргах з 10.00 да 13.00 гадзін
Намеснік дырэктара— Казак Алена Іванаўна
штотыднёва па аўторках
з 10.00 да 13.00 гадзін
і чацвяргах з 14.00 да 17.00 гадзін
Галоўны рэдактар —Шніп Віктар Анатольевіч
штотыднёва па аўторках
з 10.00 да 13.00 гадзін
і чацвяргах з 14.00 да 17.00 гадзін

Кнігі "Мастацкай літаратуры" без гандлёвай нацэнкі можна набыць у самім выдавецтве!
Адрас: Мінск, пр. Пераможцаў, 11, каб. 924
Тэлефон аддзела рэалізацыі: +375 17 203-58-09
Электронны адрас: marketing@mastlit.by

Дата ўнясення ў Гандлёвы рэестр Рэспублікі Беларусь 31.10.2018

УНП 100055406