Аўтар больш за дваццаць гадоў працаваў у часопісе «Родная прырода». Шматлікія вандроўкі па запаведных мясцінах, вывучэнне жыцця лесу і яго насельнікаў далі багаты матэрыял для напісання твораў. Чытач пазнаёміцца з дзікімі звярамі і птушкамі, спазнае іх поўнае небяспекі жыццё, даведаецца пра сапраўдныя трагедыі, што адбываюцца ў лясных нетрах. У некаторых апавяданнях уздымаюцца пытанні ўзаемадачыненняў чалавека з прыродай, яго часам жорсткае стаўленне да «братоў нашых меншых». Аўтар вядзе шчырую размову з сучаснікамі пра любоў і спагаду да ўсяго жывога на Зямлі.