Сярод празаікаў чэрвеньскага нумара – Маргарыта Латышкевіч і Алесь Бычкоўскі. Паэты нумара – Марыля Буйневіч, Яўгенія Пракапчук, Таццяна Барысюк і Алесь Каранеўскі. 

У рубрыцы “Інтэрв’ю” – размова з галоўным дырыжорам Дзяржаўнага акадэмічнага сімфанічнага аркестра Рэспублікі Беларусь, народным артыстам Беларусі Аляксандрам Анісімавым. Матэрыял падрыхтавала Людміла Рублеўская. “…асабіста пазнаёміліся дзякуючы моладзеваму праекту: Аляксандр Міхайлавіч у якасці выкладчыка працаваў са студэнтамі опернай студыі Беларускай кансерваторыі — разам з вядомай спявачкай Ірынай Крыкуновай ставіў для дзяржэкзамена спектакль «Казка пра цара Салтана». Я пабывала на рэпетыцыях — відовішча вясёлае і захапляльнае, энтузіязмам поўніліся і студэнты, і іх кіраўнікі. І калі мы зараз сустрэліся для гутаркі, Аляксандр Міхайлавіч зноў быў пагружаны ў працу з чарговымі кансерваторскімі дыпломнікамі — нараджалася опера «Казкі Гофмана»”.