У рубрыцы «Успаміны» змешчаны матэрыял Казіміра Камейшы «Па літфондаўскай пуцёўцы. Піцунда». Ён пачынаецца з радкоў: «Піцундскі бераг, вядома ж, цяжка параўнаць з усімі астатнімі пляжнымі і курортнымі берагамі Чорнага мора. Тут можна прайсціся і левым, і правым бокам, дзе бесклапотнага, чужога люду не так і багата. А ўсе тутэйшыя людзі, як і ўсе астатнія жыхары зямлі, днём працуюць, часам выкраіўшы нейкую хвіліну, каб хапіць для цела той самай гаючай марской свежасці.

Пасля сняданку высотны гмах берагавога Дома творчасці пісьменнікаў адразу пусцее, глядзіць на сонца шырока расчыненымі вокнамі». На пытанне: «Як адпачывалі і чым займаліся пісьменнікі ў Доме творчасці „Піцунда“? » можна даведацца, прачытаўшы цалкам успаміны Казіміра Камейшы.