28 верасня ў Карэлічах прайшоў ІУ міжрэгіянальны фестываль “PROдвижение КНИГИ. Библиотечные ступени”, прысвечаны Году міра і стваральнай працы. Мерапрыемства было арганізавана Карэліцкай раённай бібліятэкай. У ім удзельнічалі супрацоўнікі бібліятэк з Навагрудка, Воранава, Узды, Ляхавіч і Нясвіжа. У час фестываля ўсе прысутныя маглі пазнаёміцца з кніжнай прадукцыяй выдавецтваў “Мастацкая літаратура”, “Адукацыя і выхаванне” і Выдавецкага дома “Звязда”, а таксама з некаторымі аўтарамі кніг, якія былі прадстаўлены на кніжнай выставе. Намеснік дырэктара выдавецтва “Мастацкая літаратура”-галоўны рэдактар часопіса “Полымя” Віктар Шніп прэзентаваў выданні, якія пабачылі свет апошнім часам, а таксама падзяліўся планамі часопіса на 2024 год.
На здымку бібліятэкары Ляхавіцкай раённай бібліятэкі набываюць кніжкі.
