Незвычайныя прыгоды ў беларускіх пушчах і на беларускіх рэках для дзяцей і дарослых ад 0 да 100 гадоў. Як гэта магчыма? Варыянты розныя: выпадкова заблукаць альбо адмыслова выправіцца ў падарожжа. І тады чытачы змогуць разам з героямі выжыць ва ўмовах адсутнасці крамы і ўтульнага ложка, пабудаваць будан ці знайсці партызанскую зямлянку, выратаваць алянятка і пазнаёміцца з бабровай гаспадаркай.

Цікава, што ўсе рабінзоны, пра якіх напісалі беларускія творцы, вельмі розныя і арыгінальныя, як і тыя, хто разгорне гэтую кнігу ў школе ці дома.