«Галоўная вуліца Мінска (1880-1940 гг.). Кніга 2» — грунтоўнае даследаванне пісьменніка і энцыклапедыста Леаніда Маракова гісторыі соцень дамоў галоўнай вуліцы Мінска — праспекта Незалежнасці, вуліцы, што цягам свайго існавання больш дзесяці разоў мяняла назвы. Гэта і гісторыя людзей, якія жылі тут, будаваліся, наведвалі крамы і тэатры. Аўтар умоўна падзяліў вуліцу на 14 кварталаў. У другой кнізе пададзены кварталы пачынаючы з 6 па 14, а таксама друкуюцца дадатак і імянны паказальнік.

Выданне багата аздоблена ўнікальнымі фотаздымкамі, дакументамі, планамі, большасць з якіх друкуецца ўпершыню. Для ўсіх, хто цікавіцца гісторыяй Мінска.