Новую кнігу лаўрэата Нацыянальнай літаратурнай прэміі Беларусі і шматлікіх іншых рэспубліканскіх і міжнародных літаратурных прэмій, заслужанага дзеяча культуры Рэспублікі Беларусь Міхася Пазнякова склалі вершы шырокай тэматыкі. Творы паэта ўключаны ў школьныя праграмы, многія пакладзены на музыку вядомымі кампазітарамі.

У зборніку прадстаўлены лепшыя вершы грамадзянскага гучання, прысвечаныя роднай Беларусі, малой радзіме, дарагім бацькам. Вернасць спрадвечным духоўным каштоўнасцям, сыноўняя любоў да зямлі, якая ўзгадавала, маральнасць і гуманістычнасць з’яўляюцца адметнымі для вызначэння паэзіі Міхася Пазнякова. У кнізе прадстаўлена і любоўная лірыка, тэма кахання — высокага, узнёслага, светлага.