Паэзія ў студзеньскім нумары прадстаўлена вершамі Іны Фраловай, Анатоля Зэкава, Людмілы Воранавай, Андрэя Дарожкіна і Наталлі Голубевай.

З першага нумара бягучага года распачынаецца публікацыя вялікага празаічнага твора Маргарыты Латышкевіч «Ваўкалакі» – неагатычны раман з элементамі дэтэктыву, містыкі, досыць паслядоўны хорар, заснаваны на беларускім легендарыуме, і трохі рамантыкі (месцамі 16+). Дзеянне адбываецца ў 1816 годзе на Браслаўшчыне.

У рубрыцы «Інтэрв’ю» – гутарка з Антонам Смаленскім. З чалавекам, які падарваў «Фактар.by», трэнды TikTok і тэатральную прастору Беларусі, размаўлялі не пра цуды, а пра пераадоленне траўм, цёмны бок творчасці і сутыкненне са страхамі. Пра тое, як гэта — мець дзясяткі тысяч праслухоўванняў на стрымінгавых пляцоўках і мільёны падабаек у сацыяльных сетках, але ўсё роўна не любіць кожную сваю песню.